Tuesday, 25 October 2016

ஜம்புநாதன் புகழ்

விரித்த சடையதில் குளிர்புனல் விரிநதி அணிவோனே
செழித்த சிரமதில் குளிர்க்கதிர் வளர்பிறை புனைவோனே
கழுத்த தனிலொரு படவர வதுவணி அழகோனே
துதித்த அடியவர் நலமொடு கதிபெற அருள்வாயே

சிரத்தி லிருவெழு மரமதன் நிழலமர் பெரியோனே
கருத்த மதகரி மருகட மிவைப்பணி அருளோனே
அரிக்கு இளையவள் தவமதில் மகிழ்வுறு குருநாதா
சிரித்த முகமுடன் கரிவனம் அதிலமர் பெருமானே

சிரத்தி லிருவெழு மரமதன் நிழலமர் பெரியோனே - சார முனிவரின் சிரத்திலிருந்து முளைத்த வெண்ணாவல் மரத்தின் நிழலில் ஜம்புநாதர் அமர்ந்துள்ளார். திருவானைக்கா - ஸ்தல மரம் - வெண்ணாவல்.

கரிவனம் - கரி - யானை. ஆனைக்கா.